Newyddion CFfI Cymru

Theatr Hafren yn Drenewydd oedd cartref balch Eisteddfod Genedlaethol CFfI Cymru 2025. Ar Dachwedd 15fed, croesawodd CFfI Maldwyn gystadleuwyr a chefnogwyr o bob cwr o Gymru i’w sir ar gyfer diwrnod o gystadlu cyffrous, dathlu a diwylliant Cymraeg. Eleni, cadeirydd yr Eisteddfod oedd Lynfa Jones, gyda Aled Wyn Davies fel Llywydd yr Eisteddfod.

Cymerodd dros 800 o gystadleuwyr o 12 ffederasiwn sirol ran mewn ystod eang o gystadlaethau, wedi’u noddi’n garedig gan James Pantyfedwen, Castell Howell, Hafren Veterinary Group, Hafren Furnishers, Field Mouse, cangen Maldwyn o FUW, Coed y Bryn Nurseries, BSW Group – Tilhill a Barcud.

Roedd y cystadlaethau’n cwmpasu cerddoriaeth, adrodd, adloniant ysgafn a’r adran gwaith cartref – gan gynnwys ysgrifennu, celf a ffotograffiaeth.

Ar ôl diwrnod llawn o gystadlu, Sir Gâr ddaeth i’r brig fel enillwyr Tarian Mansel Charles. Daeth Sir Benfro yn ail, a ddaeth CFfI Ceredigion a CFfI Maldwyn yn gydradd drydydd.

Un o uchafbwyntiau’r diwrnod oedd y Seremoni Cadeirio a Choroni, dan arweiniad Angharad Lewis. Noddir y Gadair eleni gan Coed y Bryn Nurseries ac fe’i creuwyd gan gyn-aelod o CFfI Aberriw, Paul Philips. Dyfarnwyd y Gadair i Mared Fflur Jones o CFfI Rhosybol, Ynys Môn, tra cipiodd Fflur Hâf James o CFfI Eglwyswrw, Sir Benfro, y Goron a grëwyd gan David Dart a Robi Wood o CFfI Cegidfa.

Roedd yr Eisteddfod yn llawn canlyniadau drwy gydol y dydd.

Dyfarnwyd y canlynol i unigolion:

• Cwpan Parcwilws (Perfformiad gorau Sioe Gerdd/Ffilm): Daniel O’Callaghan, Sir Gâr CFfI
• Cwpan Ardudwy (Yr unigolyn gorau yn yr Adran Gerddoriaeth): Daniel O’Callaghan, Sir Gâr CFfI
• Cwpan CFfI Cymru (Yr unigolyn gorau yn yr Adran Adrodd): Daniel O’Callaghan, Sir Gâr CFfI
• Cwpan Joy Cornock (Yr unigolyn Mwyaf Addawol yn yr Eisteddfod): Cari Lovelock, Ynys Môn

Cystadlodd saith côr yn y gystadleuaeth Côr, gan berfformio “Cana imi Gân o Heddwch”. Daeth CFfI Meirionnydd yn gyntaf gan ennill Cwpan Dyffryn Tywi, CFfI Sir Gâr yn ail a CFfI Maldwyn yn drydydd.

Dyfarnwyd gwobrau nodedig eraill, gan gynnwys:

• Tlws Undeb Amaethwyr Cymru Sir Ddinbych (adran gwaith cartref): Ceredigion CFfI
• Tarian Elonwy Phillips (y ffederasiwn sy’n ennill yr adran llwyfan): Sir Gâr CFfI

Mae CFfI Cymru’n estyn diolch o galon i’r holl gystadleuwyr, stiwardiaid, beirniaid, cyfeilyddion, a phwyllgor Maldwyn am eu gwaith caled wrth wneud Eisteddfod 2025 yn llwyddiant ysgubol.

Llongyfarchiadau i Sir Gâr ar ennill Tarian Mansel Charles am ddod yn fuddugol yn holl gystadlaethau’r eisteddfod, ac edrychwn ymlaen at groesawu pawb i Eisteddfod CFfI Cymru 2026, a gynhelir gan CFfI Ceredigion.