News
Taith Astudio CFfI Cymru i Iwerddon
Rhwng y 13eg a’r 16eg o Hydref, fe deithiodd 45 o aelodau i Ogledd Iwerddon ar gyfer Taith Astudio flynyddol pwyllgor Materion Gwledig CFfI Cymru. Fe wnaethon ni ddal i fyny gydag Angharad Thomas ein Cadeirydd Materion Gwledig i glywed popeth am y daith.
“Wedi hwylio o Fôn i Ddilyn a theithio i Ogledd Iwerddon yr ymweliad cyntaf oedd Magheraknock Herefords sef buches llywydd clybiau Herefords Gogledd Iwerddon.
Dechreuwyd yr ail ddiwrnod gan ymweld â fferm Rowandale. Yma gwelwyd fferm godro sydd wedi arallgyfeirio gan bastareiddio a photeli llaeth a chynhyrchu menyn cyn ei gwerthu i gartrefi o fewn dalgylch o 150 milltir. Esbonnir am y broses ar reoliadau ynglŷn ag ymestyn oes silff ei llaeth a menyn. System robot oedd ganddynt ar y fferm, lle gedwir y gwartheg mewn tair sied gyda dau robot ym mhob adeilad. Esbonnir nad oeddent yn defnyddio gwrthfiotigau wrth sychu’r gwartheg.
Teithiwyd i Corries Livestock erbyn y prynhawn. Fferm gwartheg bîff oedd hwn a oedd gyda siop ar y fferm. Esbonnir ei system ac mae’n wir i ddweud fe gafodd llawer ohonom ein synnu â maint y siediau ar system trin a oedd yn galluogi i nifer fach o weithwyr symud y gwartheg. Fel rhan o’r busnes, mae gan y fferm arwerthiant blynyddol ym marchnad Ballymena.
Fe dreuliwyd y noson yn gwylio gêm Cymru yn erbyn yr Ariannin a gêm Iwerddon yn erbyn y Crysau Duon yng nghwmni Ffermwyr Ifanc o Ulster.
Ar fore digon gaeafol fe deithiom i ardal Coleraine ar gyfer ymweliadau. Y cyntaf i Millars livestock sydd â buches o wartheg godro a diadell o ddefaid texel. Gwelwyd stoc o safon yma.
Yn y prynhawn ymweliad â fferm Drumcroon Hous. Fferm bîff, defaid ac cnydau âr oedd hon. Esboniwyd y broses oedd Mark a’i deulu wedi’i fabwysiadu o brynu bustych yn unig ar lein cyn ei magu at bwysau lladd.
Bore dydd Llun cyn dychwelyd i’r fferi, ymwelwyd â ffactori Guiness yn Dublin.
Ar ran pwyllgor Materion Gwledig carwn ddiolch i’r holl ffermwyr am y croeso ac i Ffermwyr Ifanc Ulster am eu cyfeillgarwch.”
Cynhelir Cynhadledd Amaeth CFfI Cymru ar 13 a 14 Ionawr 2024 yn Sir Drefaldwyn.
![](https://cffi.cymru/app/uploads/2023/10/393820383_18306848533141956_8200603890665064995_n-928x1024.jpg)
![](https://cffi.cymru/app/uploads/2023/10/394066057_18306848566141956_6214265534310460469_n-928x1024.jpg)
![](https://cffi.cymru/app/uploads/2023/10/393993054_18306848551141956_8155404677240740812_n-932x1024.jpg)
![](https://cffi.cymru/app/uploads/2023/10/393718724_18306848620141956_8457213948719174039_n-928x1024.jpg)
![](https://cffi.cymru/app/uploads/2023/10/394226330_18306848575141956_662653179539499524_n-928x1024.jpg)
![](https://cffi.cymru/app/uploads/2023/10/394259242_18306848593141956_384475269588166748_n-1-928x1024.jpg)
![](https://cffi.cymru/app/uploads/2023/10/394243488_18306848542141956_6035072328408535049_n-1-928x1024.jpg)
![](https://cffi.cymru/app/uploads/2023/10/394238572_18306848584141956_6762681577436849473_n-1-929x1024.jpg)
![](https://cffi.cymru/app/uploads/2023/10/394247233_18306848602141956_2318040202236005145_n-1-932x1024.jpg)