Mae’n gwaith yn cynnwys darparu cymorth i fusnesau, lles cymdeithasol ac addysg mewn cymunedau gwledig, a threfnu a chynnal digwyddiadau bythol boblogaidd y Gymdeithas; yr Ŵyl Wanwyn, y Sioe Haf a’r Ffair Aeaf. Mae’r llwyddiant hwn wedi caniatáu datblygiad helaeth maes parhaol y sioe yn Llanelwedd, a ddefnyddiwyd gyntaf yn 1963, ac sydd wedi’i leoli yng nghalon cefn gwlad hardd Canolbarth Cymru. Mae’n lleoliad canolog delfrydol i gynnal ei dri digwyddiad ei hun ac yn cynnig safle dethol i gleientiaid eraill.