Newyddion

Lansiwyd cystadleuaeth Prif Gynhyrchydd Porc newydd ar ddydd Mawrth Sioe Frenhinol Cymru.

Yn ystod Derbyniad Materion Gwledig CFfI Cymru ar 25ain o Orffennaf, yn Sioe Frenhinol Cymru, cafodd y Gystadleuaeth Prif Gynhyrchydd Porc ei lansio.

Bydd y cynllun yn rhoi cyfle i ymgeiswyr llwyddiannus ddysgu a datblygu’r hanfodion sydd eu angen i redeg menter foch llwyddiannus.

Sesiwn ar y fferm bydd y sesiwn gyntaf gyda chyflwyniad i gadw moch gan gynnwys hwsmonaethmoch a chadw moch. Bydd sesiwn arall yn canolbwyntio ar ddeddfwriaeth gyfredol o fewn y diwydiant moch. Bydd y pump ymgeisydd llwyddiannus hefyd yn elwa o drafodaethau gyda chyn-ymgeiswyr Menter Moch Cymru a CFfI Cymru i ddysgu o’u profiadau. Rhoddir arweiniad marchnata, hyrwyddo a brandio i’r ymgeiswyr hefyd, gydag uchafbwynt y gystadleuaeth yn Ffair Aeaf Frenhinol Cymru gyda’r cyfle i arddangos y moch.

Meddai Dewi Davies, Cadeirydd Pwyllgor Materion Gwledig, “Mae’n rhoi pleser mawr i ni fel Pwyllgor Materion Gwledig CFfI Cymru i lansio Cystadleuaeth Prif Gynhyrchydd Porc. Roedd y cynllun blaenorol yn sail i aelodau ar draws Cymru i ddechrau mentrau moch sydd wedi bod o fudd mawr i arallgyfeirio a chreu incwm ychwanegol i fusnes y fferm. Bydd cystadleuaeth Prif Gynhyrchydd Moch yn cyrraedd ei huchafbwynt yn y Ffair Aeaf lle fydd y cystadleuwyr yn cael y cyfle i harddangos eu moch.”

Meddai Angharad Thomas, Is-Gadeirydd Materion Gwledig, “Mae’n diolch yn mynd i Ymddiriedolaeth Elusennol NFU am ariannu a galluogi ni i redeg y cynllun fydd o fudd mawr i’n haelodau. Gyda chefnogaeth Menter a Busnes byddwn yn medru darparu hyfforddiant a chefnogaeth llawn drwy gydol y rhaglen.”

“Rydym yn annog aelodau sydd yn edrych i arallgyfeirio wneud cais am y profiad gwerthfawr hwn,” ychwanegodd Dewi.

Mae ceisiadau wedi agor a fyddant yn cau ar 28ain Awst > Cystadleuaeth Prif Cynhyrchwr Porc CFfI Cymru 2023 Wales YFC Prime Pork Producer Competition 2023 Cais Ysgrifenedig / Written Application